15 ივლისს, ლუქსემბურგის საგარეო საქმეთა მინისტრი, ჟან ასელბორნი, ეწვია ევროკავშირის სადამკვირვებლო მისიის სათაო ოფისს თბილისში.
ამ შეხვედრაზე ევროკავშირის სადამკვირვებლო მისიის ხელმძღვანელმა ელჩმა ჰანსიორგ ჰაბერმა საგარეო საქმეთა მინისტრ ასელბორნს მიაწოდა ინფორმაცია მისიის სტრუქტურის, მანდატისა და საქმიანობის შესახებ და ასევე გააცნო მისიის მიღწევები და მომავალი გამოწვევები.
ბატონი ასელბორნი შეხვდა მისიის თანამშრომლებს ლუქსემბურგიდან და კიდევ ერთხელ დაუდასტურა ელჩ ჰაბერსა და მედიის წარმოადგენლებს მისიის მუშაობის მაღალი შეფასება და მუდმივი მხარდაჭერა.
