წლის ამ პერიოდში ევროკავშირის სადამკვირვებლო მისია დიდ ყურადღებას უთმობს იმაზე დაკვირვებას აქვს თუ არა ადგილობრივ მოსახლეობას და განსაკუთრებით მათ ვინც ადმინისტრაციული საზღვრის სიახლოვეს ცხოვრობს, საჭირო რესურსები, რათა ზამთრის პერიოდს გაუმკლავდნენ.
ევროკავშირის სადამკვირვებლო მისია მოწყვლად რეგიონებში და იძულებით გადაადგილებულ პირთა კომპაქტურ დასახლებებში სპეციალურ პატრულირებაზე აგზავნის დამკვირვებლებს რათა მათ შეაგროვონ ინფორმაცია თუ როგორ ემზადება ადგილობრივი მოსახლეობა და ადგილობრივი ხელისუფლება ზამთრის პერიოდისათვის. ადმინისტრაციული საზღვრის გადაკვეთისას დაკავების შიშით, ადგილობრივ მოსახლეობას ზოგჯერ უჭირს შეშის შეგროვება. ერგნეთში, ინციდენტების პრევენციისა და მათზე რეაგირების მექანიზმის ფარგლებში გამართულ ბოლო შეხვედრაზე ევროკავშირის სადამკვირვებლო მისიის ხელმძღვანელმა, ელჩმა ტიშკევიჩმა სთხოვა მონაწილეებს გამოიჩინონ შემწყნარებლური დამოკიდებულება ადმინისტრაციული საზღვრის შემთხვევით გადამკვეთი პირების მიმართ.
გასული წლების მსგავსად, მისია გაუზიარებს შეგროვებულ ინფორმაციას საქართველოს ხელისუფლების შესაბამის წარმომადგენლებს, საერთაშორისო ორგანიზაციებს და არასამთავრობო ორგანიზაციებს, რომელთაც აქვთ შესაძლებლობა აღმოუჩინონ დახმარება მათ ვისაც ეს სჭირდება.
