28 მარტს ევროკავშირის სადამკვირვებლო მისიის ზუგდიდის რეგიონალური ოფისის ადამიანის უსაფრთხოების ჯგუფი არასამთავრობო ორგანიზაციების ქუთაისში გამართულ ყოველთვიურ საინფორმაციო შეხვედას დაესწრო, რომელსაც საქართველოს ახალგაზრდა იურისტთა ასოციაცია (საია) თავმჯდომარეობდა.
იმერეთის რეგიონის თოთხმეტმა არასამთავრობო ორგანიზაციამ მიმდინარე პროექტების შესახებ ინფორმაცია წარადგინა. ამ ორგანიზაციათა შორის იყო სამართლიანი არჩევნებისა და დემოკრატიის საერთაშორისო საზოგადოება (ISFED), საერთაშორისო გამჭვირვალობა (TI), INER საქართველო, SOS ბავშვები, ახალგაზრდული პარლამენტი და Abkhas Interkont. ყველა პროექტი ორიენტირებულია სოციალურ, პოლიტიკურ და ეკონომიკურ საკითხებზე, განსაკუთრებული ყურადღება ეთმობა იძულებით გადაადგილებულ პირებს (დევნილებს).
სამართლიანი არჩევნებისა და დემოკრატიის საერთაშორისო საზოგადოებამ (ISFED) გამოაცხადა, რომ 27 აპრილს ბაღდათში საპარლამენტო არჩევნების დამატებით რაუნდს დააკვირდება, Abkhas Interkont იაპონიის საელჩოს მხარდაჭერით რაჭაში ფერმის რეაბილიტაციაზე მუშაობს, ხოლო ორგანიზაცია „დიალოგი თაობებს შორის“ 22 აპრილს დედამიწის დღესთან დაკავშირებულ ღონისძიებას გეგმავს.
რაც შეეხება INER საქართველოს, იგი გეგმავს 05 აპრილს 14:30 საათზე ქუთაისში „სიცოცხლისთვის მარშის“ ჩატარებას, რათა გამოხატოს პროტესტი გასულ კვირას ბათუმში ერთი წლის ბავშვის გარდაცვალებასთან დაკავშირებით. სავარაუდოდ, ბავშვი შიმშილით გარდაიცვალა, რამაც რეგიონში მცხოვრებ სოციალურად დაუცველი ადამიანების რთულ საყოფაცხოვრებო პირობებზე საზოგადოების ყურადღება გაამახვილა. INER საქართველომ მარშში მონაწილეობის მისაღებად ყველა მონაწილე მოიწვია.