ევროკავშირის სადამკვირვებლო მისია (ესმი) შეშფოთებულია საქართველოს მთავრობის, რუსეთის შეიარაღებული ძალებისა და აფხაზეთის დე ფაქტო ხელისუფლების წარმომადგენლების მიერ, ბოლო დროს, შავ ზღვაში ხომალდების შესაძლო დაკავების ან მათზე თავდასხმის თაობაზე გაკეთებული განცხადებების გამო. ეს განცხადებები ასახავს იმ საპირისპირო იურიდიულ პოზიციებს, რომლებიც საქარველოს ტერიტორიულ მთლიანობასთან დაკავშირებით არსებობს. მაშინ როდესაც ამ საკითხთან მიმართებაში ევროკავშირის პოზიცია კარგად არის ცნობილი და უცვლელი რჩება, ესმი ყველა შესაბამის მხარეს მოუწოდებს თავი შეიკავონ ისეთი ქმედებებისა და განცხადებებისაგან, რამაც შესაძლოა დაძაბულობის ზრდა და სიტუაციის გაუარესება გამოიწყვიოს. ევროკავშირის სადამკვირვებლო მისიის თხოვნით, აღნიშნული საკითხი ინციდენტების პრევენციისა და მათზე რეაგირების მექანიზმის ფარგლებში გამართული შეხვედრის დღის წესრიგში იქნა შეტანილი, რომელიც 8 სექტემბერს, გალში, გაიმართება. მისიას მიაჩნია, რომ მოცემული საკითხის მოგვარებისათვის, ინციდენტების პრევენციისა და მათზე რეაგირების მექანიზმი შესაფერის ფორუმს წარმოადგენს.
EUMM - European Union Monitoring Mission in Georgia
Krtsanisi Residential Area, 49 Krtsanisi Street, Tbilisi, GeorgiaTel: +995 32 2 721800; +995 32 2 719300
Email: press@eumm.eu
www.eumm.eu
30/04/2024 18:04:51
https://eumm.eu/ge/press_and_public_information/press_releases/1647/?year=2009&month=12