პრეს რელიზები

ევროკავშირის სადამკვირვებლო მისია გმობს კნოლევთან ქართველი პოლიციელის მკვლეობას

16.01.2009
ევროკავშირის სადამკვირვებლო მისიამ დაგმო ქართველი პოლიციელის დღევანდელი მკვლელობის ფაქტი, რომელიც თავის ვალდებულებებს, სამხრეთ ოსეთის ადმინისტრაციული საზღვრის მახლობლად, სოფელ კნოლევში, ადგილობრივი პოლიციის შენობასთან  ახორციელებდა.
ევროკავშირის სადამკვირვებლო მისიის ხელმძღვანელის მოადგილემ, გენერალმა ჟილ ჟანვიემ განაცხადა:
„ძლიერ შეშფოთებულნი ვართ მომხდარი ინციდენტის გამო. სამძიმარს ვუცხადებთ მოკლული პოლიციელის ოჯახსა და მეგობრებს.
ეს თავდასხმა, მაშინ როდესაც პოლიციელი თავის კანონიერ ვალდებულებებს ახორციელებდა, სარკოზი-მედვედევის შეთანხმების სრულიად მიუღებელი დარღვევაა, რომლის მიხედვითაც ყველა მხარე შეიარაღებული დაპირისპირების შეწყვეტას დათანხმდა. ჩვენ ვიმედოვნებთ, რომ ინციდენტი სრულად იქნება გამოძიებული სამხრეთ ოსეთის ადმინისტრაციული საზღვირს ორივე მხარეზე და დამნაშავენი შესაბამისად დაისჯებიან.“


Follow us on social media