იაანა ნაპას სამ ათწლეულზე მეტი პროფესიული გამოცდილება აქვს ევროპულ და საერთაშორისო თანამშრომლობაში, მათ შორის უსაფრთხოებასთან, კრიზისების მართვასთან და საერთაშორისო მისიებთან დაკავშირებული საქმიანობის მხრივ.
საქართველოში ევროკავშირის სადამკვირვებლო მისიის ხელმძღვანელის მოადგილის თანამდებობის დაკავებამდე, ქ-ნი ნაპა მსახურობდა ესტონეთის შინაგან საქმეთა სამინისტროში ევროკავშირისა და საგარეო ურთიერთობების დეპარტამენტის უფროსად, სადაც პასუხისმგებელი იყო სამინისტროს საერთაშორისო და ევროკავშირთან თანამშრომლობის მიმართულებაზე.
2020 წლიდან 2021 წლამდე მსახურობდა უკრაინაში ევროკავშირის მრჩეველთა მისიის ხარკოვის რეგიონალური ოფისის ხელმძღვანელად.
2014-2019 წლებში ქ-ნი ნაპა მუშაობდა საქართველოში ევროკავშირის სადამკვირვებლო მისიაში რამდენიმე თანამდებობაზე, მათ შორის მცხეთის რეგიონალური ოფისის უფროსის მოადგილედ.
მისი ადრინდელი საერთაშორისო გამოცდილება მოიცავს სამსახურს ევროპის უსაფრთხოებისა და თანამშრომლობის ორგანიზაციის მისიაში სკოპიეში, საქმიანობას ეუთოს მისიაში კოსოვოში და მონაწილეობას პოლიციის რეფორმის ევროკავშირის პროექტებში ჩრდილოეთ მაკედონიაში. კარიერის დასაწყისში იგი ასევე მსახურობდა გაეროს მისიაში ბოსნია-ჰერცეგოვინასა და კოსოვოში. ამ გამოცდილებამ მას შესძინა ფართო ცოდნა პოსტკონფლიქტურ გარემოში საერთაშორისო საველე ოპერაციების, მანდატის განხორციელების და ინსტიტუციური კოორდინაციის კუთხით.
ეროვნულ დონეზე ქ-ნი ნაპა მსახურობდა ესტონეთის პოლიციის სამმართველო საერთაშორისო ურთიერთობების დეპარტამენტის უფროსად და პოლიციის გენერალური დირექტორის მრჩევლად.
ის სწავლობდა ტალინის უნივერსიტეტში და გავლილი აქვს კრიზისების მართვაზე, ლიდერობასა და საერთაშორისო თანამშრომლობაზე ორიენტირებული მრავალი საერთაშორისო სასწავლო პროგრამა.