პრეს რელიზები

ევროკავშირის უმაღლესი წარმომადგენლის ფედერიკა მოგერინისა და ევროკომისრის იოჰანეს ჰანის განცხადება საქართველოს საპარლამენტო არჩევნების შესახებ

09.10.2016
8 ოქტომბერს საქართველოში  საპარლამენტო არჩევნები ჩატარდა. ეუთოს დემოკრატიული ინსტიტუტებისა და ადამიანის უფლებათა ოფისის (OSCE/ODIHR) სადამკვირვებლო მისიის წინასწარი დასკვნის შესაბამისად, არჩევნები კონკურენტულ და კარგად ორგანიზებულ გარემოში ჩატარდა და ზოგადად, ადამიანის ძირითადი უფლებები იყო დაცული.  თუმცა, კამპანიისთვის დამახასიათებელ მშვიდ და ღია გარემოზე ზეგავლენა იქონიეს არაკანონიერი კამპანიის წარმოების შესახებ განცხადებებმა და ძალადობის ცალკეულმა შემთხვევებმა. არჩევნების დღე ზოგადად წესრიგის დაცვით მიმდინარეობდა, თუმცა დღის განმავლობაში დაძაბულობამ იმატა და რამდენიმე ძალისმიერ შეხლა–შემოხლას ჰქონდა ადგილი საარჩევნო უბნების სიახლოვეს და თვით საარჩევნო უბნებშიც.  მაგრამ, თითქმის ყველა საარჩევნო უბანში ხმის მიცემის პროცესი დადებითად შეფასდა. ნებისმიერი დარჩენილი ხარვეზი OSCE/ODIHR–ის რეკომენდაციების საფუძველზე უნდა აღმოიფხვრას.
ევროკავშირი ყურადღებით აკვირდებოდა საარჩევნო პროცესს საქართველოში, ხმების ოფიციალური დათვლის პირველადი შედეგების ჩათვლით. არჩევნების მეორე რაუნდისთვის და მეორე რაუნდამდე დარჩენილ პერიოდში, ყველა პარტიამ და კანდიდატმა თავი უნდა შეიკავოს დაპირისპირებისა და ძალადობისგან,  პატივი უნდა სცეს დემოკრატიულ პრინციპებსა და ქართველი ხალხის ნებას.
ევროკავშირი საქართველოს სტაბილური, დემოკრატიული და კეთილდღეობით აღსავსე მომავლის ერთგული მხარდამჭერია. საარჩევნო პროცესის დასრულების შემდგომ, ჩვენ მზად ვიქნებით ვიმუშავოთ დემოკრატიულად არჩეულ ახალ პარლამენტთან და მთავრობასთან  მჭიდრო პოლიტიკური და ეკონომიკური   ურთიერთობების განსამტკიცებლად, რომელიც საქართველოსა და ევროკავშირს შორის ასოცირების შეთანხმებით აღებულ ურთიერთვალდებულებზეა დაფუძნებული. ძალზე მნიშვნელოვანია, რომ ახალ პარლამენტში არჩეულმა ყველა წევრმა ერთად იმუშავოს საქართველოს ინტერესების საკეთილდღეოდ.

იხილეთ ბმულზე.
Follow us on social media
ვინ ვართ და რას ვაკეთებთ

ერთი დღე დამკვირვებლის ცხოვრებიდან
მისიის ხელმძღვანელის ინტერვიუ ტვ 9 ის ეთერში