ზუგდიდის რეგიონალური ოფისიდან განხორციელებული პატრულირებისას ევროკავშირის სადამკვირვებლო მისიის ხელმძღვანელი ელჩი ანდჟეი ტიშკევიჩი აფხაზეთის ადმინისტრაციულ საზღვართან თბილისის მიერ ადმინისტრირებულ ტერიტორიაზე მდებარე საჯარო დაწყებით სკოლას ეწვია. ვიზიტი მისიის მიერ სკოლის მოსწავლეთა თავისუფალ გადაადგილებაზე დაკვირვებასთან დაკავშირებული საქმიანობის ფარგლებში განხორციელდა.
სკოლაში ასზე მეტი მოსწავლეა და აქედან თითქმის ნახევარი ყოველდღიურად კვეთს ადმინისტრაციულ საზღვარს აფხაზეთიდან. სკოლის დირექტორმა და მოსწავლეების მშობელთა ნაწილმა ევროკავშირის სადამკვირვებლო მისიის საქმიანობა დადებითად შეაფასა. მათ განსაკუთრებით ხაზი გაუსვეს მისიის მიერ გაწეულ დახმარებას დიალოგის ხელშეწყობის და გადაადგილების თავისუფლებასთან დაკავშირებული ძირითადი პრობლემების მოგვარების საკითხებში.
მისია აგრძელებს ადგილზე არსებულ მდგომარეობაზე დაკვირვებას.
