საქართველოში ევროკავშირის სადამკვირვებლო მისიის ნდობის აღდგენის ფონდის მოწვევა პროექტის კონცეფციების წარსადგენად

წინაპირობა
ევროკავშირის სადამკვირვებლო მისიის (EUMM) ნდობის აღდგენის ფონდი (CBF) წარმოადგენს პროგრამას, რომლის მიზანია საქართველოში ადმინისტრაციული სასაზღვრო ხაზების (ABLs) გასწვრივ ნდობის აღდგენის მიზნით მცირე პროექტების დაფინანსება და მათი ხელშეწყობა. 2015 წლიდან მოყოლებული, ნდობის აღდგენის ფონდის შექმნის შემდეგ წარმატებით განხორციელდა 100 პროექ ტზე მეტი . პროგრამა ღიაა რეგისტრირებული ორგანიზაციებისთვის, კომპანიებისა და სხვა იურიდიული პირებისთვის. Მხარდაჭერას მიიღებენ ინიციატივები, რომელიც ფოკუსირებულია სხვადასხვა თემაზე, მათ შორის- მაგრამ არ შემოიფარგლება- დემოკრატიაზე, ახალგაზრდობაზე, ადამიანის უფლებებზე, გარემოს დაცვაზე, მედიაზე, გენდერულ საკითხებზე და განათლებაზე. Პროექტი უნდა მოიცავდეს ისეთ კომპონენტებს, როგორიცაა პროფესიული კავშირების შექმნა, ცოდნის გაცვლა, შესაძლებლობების განვითარება ინოვაციური გადაწყვეტილებების შემუშავება ადმინისტრაციული სასაზღვრო ხაზის ორივე მხარეს არსებული საკითხებისადმი.

დაფინანსება ხელმისაწვდომია მცირე პროექტების განსახორციელებლად, გამონაკლის შემთხვევებში კი - დიდი პროექტებისთვის მოსამზადებლად. დაინტერესებულ მხარეებს შეუძლიათ შემოიტანონ განაცხადი 35,000 ევრომდე ღირებულების ინიციატივისთვის, რომლის განხორციელებაც უნდა დასრულდეს დაფინანსების მიღებიდან 6 თვის განმავლობაში.

განაცხადის წარდგენის პროცესი:

განაცხადის წარდგენის პროცესის პირველი ნაბიჯია პროექტის კონცეფციის შევსება. შევსებული დოკუმენტი ელექტრონული ფორმით უნდა გაიგზავნოს ელექტრონული ფოსტის მისამართზე:  CBF@EUMM.EU  2026 წლის 22 მარტის , საქართველოს დროით  17:00 საათამდე. გთხოვთ გაითვალისწინოთ, რომ პროცესი კონკურსის ხასიათს ატარებს და ყველა შემოთავაზება განიხილება ევროკავშირის სადამკვირვებლო მისიის შემფასებელი კომისიის მიერ. წარმატებულ კანდიდატებს მოიწვევენ პროექტის სრული შემოთავაზების და დეტალური ბიუჯეტის წარსადგენად. გთხოვთ, უფრო დეტალური ინფორმაციის მისაღებად მიყვეთ გამარტივებულ პრაქტიკულ მითითებებს.  პროექტის კონცეფცია და აპლიკაცია მიიღება მხოლოდ ინგლისურ ენაზე.  მხოლოდ გამონაკლის შემთვევებში და თითოეული შემთხვევის ინდივიდუალურ საფუძველზე, მისიამ შეიძლება განიხილოს კონცეფციის მოკლე მიმოხილვისა და სრული აპლიკაციის მიღება ქართულსა და რუსულ ენებზე.

მონაწილეობისთვის აუცილებელი კრიტერიუმებია:

• იყოთ სამოქალაქო საზოგადოების წევრი, რომელიც რეგისტრირებულია როგორც არაკომერციული, არამომგებიანი ორგანიზაცია, კომპანია ან სხვა იურიდიული ერთეული და გქონდეთ საბანკო ანგარიში.
• გქონდეთ პროექტის განხორციელებისა და ანგარიშის წარდგენის სათანადო ადმინისტრაციული, ფინანსური და ტექნიკური შესაძლებლობა.

შერჩევა და გრანტის დაჯილდოვების კრიტერიუმებია:

• საქართველოში კონფლიქტის მხარეებს შორის ნდობის აღდგენის თემასთან შესაბამისობა.
• ადმინისტრაციული სასაზღვრო ხაზის და მის ორივე მხარეს მცხოვრები ეთნიკური ჯგუფების კომპონენტის შემცველობა.
• პროექტის ეფექტიანობა, ინოვაციურობა და განხორციელებადობა.
• ორგანიზაციის გამოცდილება და რეპუტაცია.
• გენდერული და ადამიანის უფლებების მიმართულებებით მუშაობის გამოცდილება.

ფორმები :
ნიმუში:  download
პრაქტიკული მითითებები:  download

განცხადების   შემოტანის  ვადები:

განაცხადები მიიღება ელექტრონული ფოსტის მისამართზე:  CBF@EUMM.EU  2026 წლის 22 მარტის საქართველოს დროით 17:00 საათამდე. აღნიშნული ვადის ამოწურვის შემდგომ განაცხადები აღარ მიიღება. ვადების გეგმა მოცემულია პრაქტიკულ მითითებებში.

ევროკავშირის სადამკვირვებლო მისია აპლიკანტებს დაუდასტურებს განაცხადის მიღებას მაქსიმუმ 5 სამუშაო დღის განმავლობაში. გთხოვთ, დაგვიკავშირდეთ, თუ მითითებულ ვადაში ჩვენგან არ მიიღეთ დასტური.

საკონტაქტო ინფორმაცია:
საგრანტო განაცხადის შემოტანის პროცედურის შესახებ კითხვების შემთხვევაში გთხოვთ დაგვიკავშირდეთ ელექტრონული ფოსტის მისამართზე:  CBF@EUMM.EU .